Page 68 - Microsoft Word - Geschichten
P. 68
Geschichten Joseph (Sepp) Rossa
Münchnerisch
Über die Kunst zu definieren in der, in München-Ortsteil-Untergiesing einstmals
üblichen Sprache.
7. Kapitel. Frauen über Frauen oder Weiber über Weiber.
Es war no in der guadn oidn Zeit, wo man auf boarisch ois sagn hat kenna, wo
der Alltagssprachgebrauch vo de obern und vo de entern no ned nivelliert war.
Wo an a Emanzipation no koa Drodenga war, wo ma no sogn hot derfa: wenn
oane was gsagt hot: „Sie schaug o, aa scho´s´Mäuaufreissen...“ Oiso wia gsagt wo
de W...Frauen zwar
s´Redn ghabt habm aber wo no neamand drüber gredt hot.
Außer dahoam, do hots jeder gwußt wers sogn hot. Gscheid warn sie ja scho
immer de W… de Frauen, awa de ollergscheidastn warn de Ratschkathln in de
Stiagnhäuser, oder de Quadratratschn am Trottoar oder beim Milli holn. Ma
taats ja gor ned moana wos so ein oides dreistöckiges Mietshaus in Untergiasing
für Kostbarkeiten an wortgewandten Vorstadtshybriden beherbergt hat. Wenn i
mi do dro erinnert...schee is sie scho unser boarische Sprach, so ausdrucksstark
und treffend...so gefühlvoll mittn eini treffend. A paar Beispiele, soichane de wo
durch de Emanzipation verloren und vergessn wordn san. Oiso: Wenn vom 2.
Stock de Beamtnwitwe Angermeier zum Einkaffa ganga is, a bissl zammgricht,
an Schal um an Hois, frisch gwaschn, an am Werktog, an Huat am Kopf, na hot
de Neimeierin zu da Huaberin glei gsagt: „Schaugs o de Mistamsl de
zammazupfte mit ihrm ordinärn Ditsche auf de gfarbtn Hoor, oder wenn de
Müllerin in Kircha ganga is na habms ihr nochegschaugt, den Kopf gschüttelt
und oane hot bestimmt gsagt: „ geht sie wieda zur Mess, de beddade Rutschn,
ois ob sie jetzt no wos zum Beichtn hätt, wos doch eahm scho vor 10 Johr ins
Grob bracht hot.“
Glei nochm Kriag hat ja manche fürn Bohnakaffee und für Zigaretten intime
Kommunikation und die in Mode gekommene Breitbeingymnastik, mit den GI`s
gepflegt, des war dann eine Amiflitschn und wenn ihr dabei wos passiert is dann
hot sie einen Broten im Reindl ghabt. Ja so feinfühlig is man damals gwesen.
Hot awa oane a ledigs wechselndes Verhältnis mit oam oder mehreren
Seite -67-
