Page 34 - Rabl 2
P. 34
Gedichte Anni Rabl
A Neugierhafal
Neugierhafal hot's oiwei geb'n,
is koa Kuchigschirr, liegst weit daneb'n,
Es send Leut,dia si wirklich plog'n,
dass ea nix entgeht, dass ois dafrog'n.
Sogor de Kina fratschln's aus,
wei dia trog'n d Wahrheit aus'n Haus.
Es geht a koas oafach vorbei,
uni a bissl a Uichifragarei.
Was hob's heit gess´n, was hab´s tu,
wo seids heit gwes´n, und wann davu,
hot d´Mam eppa go heit z´Mittag gschlaf´n,
tuat´s mit´n Tati nu guat g´schaff´n.
und wunan tats,'wos foa Gwand,
d´Nachbarin bstöt hat ben Ottoversand.
Wei Paktl kriags vo gruaß bis kloa,
Oder is kot gean mit'n Brieftrager alloa.
Geht da Tat oft zon Wiascht auf d'Nocht,
wos hot da s'Gödi heuer brocht,
geht enka Auto scho wieda nimma,
hob's neie Stor kriag fi de Zimmer.
Bsuach hobs a nimma so oft,
do hättse se scho was neis vahofft.
Neugierig sei is decht a Plog,
und wiederhoit si jeden Tog.
Seite 34
