Page 39 - Rabl 2
P. 39
Gedichte Anni Rabl
Über´n Gaschtnzau schaug´n
Schea longsam weascht´s langsisch und d´Vögl weand munter,
s´eascht Grasl spitzt vircha, ma siecht scho an Kunter,
recht worm dunkt oi d´Sunn,
fü Arbeit,de boat scho auf ins umandum.
S Arbeitszoig liegat a längst scho parat,
wenn decht dös Wetta iatz endlich s´krecht tat.
Da Wettabericht sog´ etz fi de naxt´n Tog tuat´s,
dös hot fi an Gaschtla oimoi eppas guat´s.
Glei weascht da Goscht´n heakricht und uhabig g´setzt,
gonz z´fried´n weascht betracht a jeds Beetl nu zletzt.
S Wetta muaß krecht toa, daß guat wochst und gedeiht,
i büd ma oft ei, de Gaschtla toand z´Neid.
Londauf und lond o, blühat´s und wochst´s und gedeiht´s,
drum hot a insa Lond an bsonderen Reiz.
Es derf jeda kemma und derf si a trau´n,
derf gean amoi übern Goscht´nzau schau´n.
Seite 39
