Page 29 - Rabl 2

Gedichte Anni Rabl

Redensartlich kred!

I wea enk heit redensartlich eppas sag´n,

dabei geht´s gwiß nit um Kopf und Krag´n,

wea mia aber a koa Blattl fua´s Mäu nemma,

do tat i auf koan grean Zweig nit kemma.

Keascht hob´s dia G´satzl oi scho gwiß,
i sog´s oafach so – wia mia da Schnowi gwachs´n is.

Etz wea i mi glei a´s Zeig leg´n,

und nimma long um den hoaß´n Brei umma red´n.

Mia is fei koa Laus über d´Leber kroch´n,

mi hot a nit da Howan g´stoch´n.

wea a neamb´n ben Schlafitl nemma,
mecht net von Reg´n a de Traf kemma.

I fall´- a nit mit da Tür as Haus,

dös schlogat ja glatt an Fassl an Bod´n untaus,

mecht sicher nit Kopf und Krog´n riskier´n,

und mi a mit enk - nit a d´Woll´n kriag´n.

Wea de Kirch an Dorf lass´n,

a neamb´n nach mei Pfeif´tanz´n lass´n,
wea a neamb´n zo sein Glück dränga,

und scho go nix a de gruaß Glogg hänga.

Wea a neamb´n a da Nas´n umandum führ´n,

aber a nit eppan Hunk um´s Mäu schmier´n,

a neamb´n an Bär´n aufbind´n,

und a nit auf nimmerwiederseh´n vaschwind´n.

Seite 29