Page 40 - Rabl 2
P. 40
Gedichte Anni Rabl
Wettergrausig
Heit is scho decht so brodig hoaß,
und d´Mugg´n tonznd kot an Kroas,
a Weda kimb nu, dös is bled,
wei dia Dunnaweda mog i net.
Scho kimbs, mit schworze Woik´n und Wind,
kemma tuats heit go mea gschwind.
Ma heascht von Kirchturm hea s´Wedaläut´n,
a schwara Wind blost vo oi Seit´n,
kupfrige Woik´n, gonz duster kimbs dahea,
weascht decht nit hogl´n, des wa a Maläa.
Etz blitzt´s und krocht´s, dass d´Wöt kot so beb´,
wedagrausig bin i, i moa so long i leb!
De Wedakeschz brinnt gonz kloa,
bet´n heascht ma , geht vo gonz alloa,
heaschaut´s aust, ois was da Wötuntergong,
dös Weda dauascht heit go hibsch long.
Reg´na tuat´s etz, net wos' dareng,
passt guat a d´Felder, is a gruaßa Seng.
Glei weascht´s wieder liachta, a d Sunn blinzlt hea,
und des ärgst´Wetta is umma, wos wü i nu mea!!
Seite 40
