Page 41 - Rabl 2

Gedichte Anni Rabl

Wos i heit koch

Oft woaß is scho fi de gonze Woch,

wos oi Tog o geit - wos i koch,

net a diam do is a Gfrett,

do woaß is fi oa Mohizeit net.

Guat söd´s sei und a nit z´wenk,
und i steh´do und denk und denk.

Etz geh´i amoi a Wossa siad´n,

woaß ober nu net,wos i kunt eichirühr´n.

Mia is a dös scho a diam passiascht,

i hu ma g´winscht i wa a Wiascht,

brauchat net schaug´n auf d´Speisekoscht,
do tat i mi fei go net hoscht.

Wei leichter is nu oiwei g´wes´n,

vo anuascht eppas Guats aussa z´les´n,

kot mit´n aussa les´n wia imoa,

kriag heit neamb gnuag - netamoi i alloa.

Und wei ma eh nu koas kob homb de Woch,

moch i etz glei a Wossakoch,
go koa Mensch hot eppas trocht,

dass i boid hät nix damocht!

Seite 41