Page 22 - Wieshofer
P. 22
Gedichte Marianne Wieshofer
Unterm Schattnbam
Wenn ganz a schöner Sunntag is –
wia tua ih mih drauf gfrei,
lad´t mih vorm Haus der Schattnbam
a wench zan rastn ei.
Ih mag´s nit gern, die Hasterei,
mir tunkts da aso kring,
ja wenn des oa Mensch wissn tat,
was ich dabei da g´wing.
So nett is´s unterm Schattnbam,
ich schau a wench umnand,
ich steck in koa Kolonne drei
und brat´ ah nit am Strand.
Die Katz liegt auf der Hausbank doscht
und drang nebm ihr der Hund,
sie habm sih ah, weil´s ruhig is,
a Mittagsrast vergunnt.
Und wenn ich rund um meiner schau,
des Blüah mit Freid betracht,
da is mir krat als hätt ih gar
a Urlaubswoch verbracht.
Seite 22
