Page 24 - Wieshofer

Gedichte Marianne Wieshofer

Spathörest

Z´nagst, da steh ich vor a Buachn,

hon en Bam ganz kloalaut gfragt,
deine Blattl liegn am Bodn da,

sag – macht dih des ah verzagt?

„Na, es is der ewig Kreislauf –

´s nutzat nix - wah ich verstimmb,

wenn mir alljahr spat en Hörest

der kalt Wind die Blattl nimmb!“

So wias kimmb is alls vergänglich,

´s Jungsei, ´s Glück und ah die Freid.

Alls is gliechn auf der Welt da,

für a ganz bestimmbte Zeit!

Seite 24