Page 25 - Wieshofer

Gedichte Marianne Wieshofer

Feierabmd

Feierabmd – ich sitz ban Banke,

wia so oft noh, spat auf d`Nacht,
muaß ich dankn fü die Stundn,

hon mei Tagwerk guat verbracht.

Langsam steigt der Mond scho aufa,

rund um meiner is a Ruah,

nett die Küah tan friedla grasn,

schau eah gern a Boisl zua.

Ah die Grilln habm sih verschloffn,

här koa pfeiffn was ma(r) gfallt,

Sunnwendkäfer siech ich leichtn

Allwei mehrer drei en Wald.

Und bevor ich wieder hoamgeh,

hoam zua – zu die Meinign all,

muaß ich noh mal zruckschau haltn,

netta no oa oanzigs mal.

Ob ihs krecht gmacht hon um meiner,

was ich to hon,- was ich gebm?

`S geht mir ah halt ganzn Tag lang,

undanks so oft was danebm.

Hon ich ebban helfn kinna,

mit´n Guatsei was daricht?

Iawand sends krat Kloanigkeitn

Und es fallt ah nit ins Gwicht.

Seite 25