Page 26 - Rabl 2

Gedichte Anni Rabl

Gedank´n

Gedank´n derf si a jeda mach´n,

Gedank´n über oi möglich´n Sach´n,

Gedank´n hot jeda, send´s schlecht oder guat,

vo so manchem Gedank´n do ziach i an Huat.

Gedank´n send frei - send nia bsetzt,
sei es da eascht oda da letzt.

Gedank´n send frei, brauch´ma nit zoin,

und so mancher Gedank´n - tuat mia recht guat g´foin.

Gedank´n - oa send zum Lach´n, oa zum Rea´n,

ob jung oder alt - grad nia gedankenlos wea´n.

Es weascht a nia koa Mensch auf den Gedank´n kemma,
und dir deine Gedank´n nemma.

De Menschheit is scho so lang ben studier´n,

aber s´Gedank´n les´n weascht neamb ausdaprobier´n.

Gedank´n kemmand oi Tag wieder,

i schreib´so manch´n Gedank´n nieder.

Gedank´n ku ma normalerweis nit les´n,

is für dia paar Seit´n a Ausnahm´g´wes´n.
Gedank´n homb scho oft oa niedergschrieb´n,

und decht send jed´n seine Gedank´n blieb´n!

Seite 26