Page 24 - Rabl 2

Gedichte Anni Rabl

Entscheidungen oder Kloanigkeit´n

A Ehepoor wia tausend ond´re,

is hoaß beim dischkurian,

wia se eane Probleme lösn´d,

dös tat mi intressier´n.

Se homb dös ausgmocht scho vor Jahr´n,
de größer´n Entscheidungen trifft ea,

und wei si sich do einig war´n,

de kloan trifft sie moant ea.

Und heit heascht ma eam laut kritisier´n,

i bi decht a koa Lop,

mia homb bis etz, dös kust nochstudier´n,
nu koa gruaßi Entscheidung g´hob.

Is reiner Zuafoi, dös hot si auftroff´n,

beschwichtigt sie ihr´n Monn,

tuat ober insgeheim schwa hoff´n,

dass eam des bildlich moch´n konn.

Ja mei - moant sie, dös ku scho sei,

dös kimb scho fi, tua di decht g´frei,
so is dös hoit im Leb´n,

Kloanigkeit´n weascht´s fü öfta geb´n!

Seite 24