Page 25 - Rabl 2
P. 25
Gedichte Anni Rabl
Eppas Gloappat´s
Ois eascht´s boid i da Früha aufsteh,
koch´i fi ins an Müchkaffee,
dazua ess ma ,dös is nit fad,
a boch´ne Nudl mit Marmelad.
De gest´rig Supp´n gibs o zon neinan,
z´Mittog koch i heit an Schweinan,
ois Nochspeis´an Äpfistrudl a jeda nu ißt,
dass eppas übrig bleib, dös hu i scho g´wißt.
Mit´n Dreian kemma wieda oi zom,
dös toama gewöhnlich nu amoi oi mitanon,
i hu nu vo da Früha a Trümmi bochne Nudl,
und zon Kaffee passt guat vo z´Mittog dea Äpfistrudl.
Zon Schnochtsess´n bin i fost alloa,
wei jeda hot wos onders z´taoa,
es söd a gonz glei zon Ess´n sei,
do is wos Gloappat´s scho recht fei.
Und so weascht heit jed´s Hafal laar,
wei a diam is a wos Gloappat´s rar.
So weand mia a in Zukunft dös hea´n,
eppas Gloappat´s muaß a zomgess´n wea´n!
Seite 25
