Page 53 - Microsoft Word - Geschichten

Geschichten Joseph (Sepp) Rossa

Weihnachtszeit

I woaß nit obs euch aa a so geht aber i denk mia olm Weihnachten war friaga
amol a ganz a staades Fescht in da Familie. Mit am ganz eigenartign Gruch.

Überoll hots so geheimnisvoll grochn. De Zuataten san geheim bliebn und nur a

eigenartiger Duft is auf da Gassen gwesen. Nüss, Keschten, Zimt, Bratäpfel,

Lebkuachn und lauta sellas Zuig hot man nur grochn, aber vorm heiligen Abend
nit dasechn.

So a hoamliche Neigier isch umgangen und am Heiligen Abend nach Marend war
der Christbaam s´erschte Mol zan sechn. Des war umara 1950.

Zechn Johr spater hot men scho 2, 3 Tage friaga an Weihnachtsbaam dasechn

und de Leut haben sich so lang drüber augregt bis man in de 70er Johr schua

dem Nikolaus an brennandn Christbaam mitgebn hot, ausm Christkindl is da

Weihnachtsmann wordn, und aus dem schönen hoamlichn Getue is a Gschäft

gmacht wordn. Und a paar Jahr spater habns vo lauta Umsatzgier scho zu
Adventbeginn Weihnachtsliada plärrn lassn und Lametta und Christbaam-

schmuck in alle Kaufhäuser und Läden ausgstellt. Und weils de Amerikaner olles

nachmachn müassn, dass sie ja „in“ sein gibt’s iatz Halloween, an Santa Claus

und de „X-Mass“ . De Stille Nacht is olm lauter und lauter wordn und iatz
habns se gor scho nach dem Urlaub auf de Bahamas de Weihnachtskerzen

onzündet. Im naxtn Johr kunnts leicht sei dass des Weihnachtsgschäft glei nachm

Osterumsatz ongeht.

2030 legns es vielleicht mit nui Jahr zammen und bis 2040 habns dadurch

dann a ganzes Jahr gwungen und feiern das stille Fest vo 2041. Na ja ins wird

des nimma bsonders treffen Aber durch a kloane Luck werdn ma scho
runterschaun und wissen dass man de stille Zeit bei dem Lärm nit finden konn,

aber ins frogt ja koana mehr.....

Seite -52-