Page 54 - Microsoft Word - Geschichten

Geschichten Joseph (Sepp) Rossa

Selbstgespräch eines Austraglers

(zwar böse aber leider wahr)

50 Jahr lang bin i mei Arbeit nachgangen, und von oan Tag auf den andern

muaß i´s lassn. 60 Jahr hun i meine oltn Schuach in a Eckn ghaut, und iatz bin i

selber oana. De Kindheit und Jugend hab i manchen Lehrpersonen zum Trotz

fast unbeschadet überstanden, über die Brunftzeit hab i mi aa ohne größere
körperliche und finanzielle Schäden hinweggemausert, die Midlifecrisis hat mir

zwar a paar blaue Fleckn im Kopf und 30 canti drunter einbracht, aber letzten

Endes bin i relativ guat erhalten vom Grufti übern Komposti zum Humusinski

und ins Abgabenalter gewechselt und trotz des Pensionsalmosens immer no

lebendig. Jetzt muaß i halt schian langsam alles aufhörn und abgebn.
Marscherleichterung machn. Bei de Haar hab i scho vor längerer Zeit ongfangen,

a paar Zähnd aa so nach und nach, an Haustürschlüssl hab i hergebn müassn,

dass ihn nit valier, sagns, mei Messer, dass i mi nit schneid, de Gabl, dass i mi

nit stich, den Löffl lassns mia no, den gaab i aa no nit her. Mei Zugehörigkeit

zum männlichen Geschlecht gib i aa schö langsam ab, net gern, gar nit gern,
aber gegen de Natur kimm i nit an. ....Soviel sorgn teans sa se um mi iatz...deck

di fei warm zua, ....und...gib halt a Ruah...und dabei schauns so neugierig und i

denk mia: mechts halt gern wissn wia lang no ...gall. Lupfn sagns soll i aa

nimma, und wenn i dann wirklich nicht mehr aufheb seins ganz schian

enttäuscht....da Schwiegersohn gibt mia auf oamal de Hand, wenn er auf Bsuach
kimmt, der moant i spann dös nit dass er nur mein Puls fühlt. Und zum

Geburtstag kriag i haufnweis Wollsockn.

Jetzt hab i s´Rauchn ongfangt, dabei schmeckts mir gar nit dös stinkende Zeug,

do ziachns de Nasn nauf, und kostn tuats aa was. Eigentlich trink i ja nur a

Bier, 2, 3 Flaschn de Woch, aber dös isch ja viel z´billig, da bleibt zviel übrig von
da Rente. A paar Flaschn französischn Wein hab i mia hoamton, sauteuer war

der und sauer is der....macht nix, de oan sein iatz aa sauer. Und a Rasierwasser

mit Moschusduft tua i mir ins Gsicht...do schnufflns ganz laut, dös stört mi aber

nit.

Seite -53-